Met ‘n ander oog!

So ‘n tydjie gelede was een van ons medebloggers in Amsterdam.   Ek was werklik verbaas of eerder verstom om te sien hoe ander mense ons dorpie beleef.  Dit is mos nou maar so dat ‘n mens aan ‘n plek gewoond raak.   Jy sien dieselfde dinge dag vir dag totdat jy dit eintlik nie meer sien nie….   Dit is asof die dinge in die agtergrond vervaag van jou elke dag se bestaan!                                                                                                                                                                                                                                        Dit wat op ‘n tyd vir jou asemrowend was, is nou net nog iets.  Dit wat jy verafsku het, begin nou al normaal lyk en dit wat gewoon was, is nou sommer net weg.                                                                                                                                                                                                                                              So ek nooi julle om na Die Wolf se inskrywing van Amsterdam te gaan kyk.   Geniet dit en lees sommer bietjie meer van my Amdam.                                                                                                                                                                                                                                                                                                                       (Nie rerig nie, maar ek wens!!!)

8 Responses to Met ‘n ander oog!

  1. Adrie says:

    Pikkie

    Ek kan jou vertel hoe mooi is Amsterdam na ure op ‘n fiets. Beste sig nog. Ek was dadelik mal verlief.

  2. netjane says:

    Dis waar hoe mens net gewoond raak aan goed. Ek kom dit veral hier agter. Loop nie eers meer op die mooi paadjies al langs die water nie, maar nou dat ek moet weggaan pyn my hart en hardloop ek soos ‘n vlakhaas van mooi plek tot mooi plek!

    Ek’s bly jy kon weer agterkom wat jy het!😉

  3. Reisiger says:

    Ja, mens raak gewoond aan jou plek, té gewoond soms! Ek en die liefie neem gereeld ‘n wegbrekie en as mens terug kom, waardeer mens jou plek weer opnuut!

    Ek is mal oor die plantasies en die berge daar by julle. Het nou die dag die padkaart bekyk en wil self bietjie weer ‘n draai in daai wêreld kom maak! Ons was baie lank laas in daai geweste… té lank laas!

  4. Wipneus! says:

    Mens raak definitief te gewoond aan jou plek. As ons weg was en terug kom dan moet jy sien hoe waardeer ek my plek. Niks lekkerder as jou eie plek nie.

  5. Blixer says:

    Wat my verstom van Europa is die (oenskynlike?) harmonie waarin almal leef met hulle bure. Dalk is dit ‘n simptoom van ons gestresde bestaan in SA dat daar so baie konflik is met die bure.

  6. Die Wolf says:

    Ek sal weer ‘n draai daar in Amsterdam moet gaan maak. Dalk sommer in die lente. Ek hoor juis daar is iewers ‘n groot voetspoorvorm wat die water uitgekalwe het.

  7. Pikkelik says:

    @ Die wolf – Daai voetspoor is ongelooflik. Dis egter op privaatgrond, (maar nie probleem om toestemming te kry) en jy moet doodseker maak jy kry die regte padaanwysings. Dis nogal ‘n storie om daar uit te kom!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: