Toilet papier….

Oi, het ek hierdie naweek ‘n uitdaging beleef.  Poppedyn (11 maande) het uitgevind tioletpapier kan afrol.  Letterlik afrol, deur die badkamer, deur die gang, deur die sitkamer, deur die kombuis, deur die slaapkamer tot weer in die badkamer.  En daar sit ek, en ek rol op, en rol op, en rol op en nie 10 minute later nie rol sy dit weer af, deur die badkamer, deur die gang….

Vir die eerste keer in my lewe dink ek toe aan die ontstaan van toiletpapier.  Wie was so slim?  Wie het besluit dat mieliestronke en blare nie rerig vir daai sagte deel van ‘n mens se anatomie gemaak is nie?  Toe gaan google ek.  Die slim man se naam was  Zeth/Seth Wheeler, (hulle kan nie besluit hoe om dit te spel nie) wat dit gepattenteer het, pattent nommer:  117,355 (US) issued July 25, 1871, maar klaarblyklik was dit al in die dertiende eeu vir die ‘Emporer’ in China geproduseer.  In 1857 het Joseph Cayetty die eerste toiletpapier wat in ‘n fabriek gemaak is verkoop.  In 1877 het Albany Perforated Wrapping Paper Co.( Wheeler se tweede maatskappy, die eerste het gevou) vir die eerste keer standaard geperforeede papier op ‘n rol verkoop.  In 1942 het die St. Andrew’s Paper Mill in England vir die eerste keer dubbellaag toiletpapier verkoop.  Dit was dan ook heelwat sagter as die ouer weergawes. 

So daar het julle dit, die allernoodsaaklikste gebruiksartikel in ‘n huis, waarvoor weermag manne sigarette ruil, waarsonder jy vir ure in ‘n publieke toilet vasgekeer kan sit, en onontbeerlik met snotneusskreebekkies.  Daar is werklik webwerwe wat net Kersfees en kamofleer toiletpapier verkoop om maar twee te noem. 

So lekker vee…

Bronne

Adrie – die een met internetgeriewe….